Gam Naa Kar Zamaanaa Aur Aayegaa

gam naa kar khushi kaa daur aayega
gam naa kar zamaanaa aur aayegaa

khatm ho gayi sitam ki daastaan
jhuk rahaa hai ab zamin pe aasamaan
ab naa ye hansi teri rulaayegaa
gam naa kar

aa gaye hain dekho din bahaar ke
din guzar gaye hain intazaar ke
duhkh kaa ye samaa badal hi jaayegaa
gam naa kar

chaar din guzaar de hansi khushi
aa gayaa vo vaqt jab ki aadami
thokaren nasib ke naa khaayegaa
gam naa kar

dekhanaa ye raat kat hi jaayegi
isake baad subah muskuraayegi
ik nayaa jahaan jagamagaayegaa
gam naa kar