Zindagi Yuun Huyi Basar Tanaha

(zindagi yuun huyi basar tanaha
qaafilaa saath aur safar tanahaa) -2

(apane saaye se chaunk jaate hain) -2
(umr guzari hai is qadar tanahaa)-2

(raat bhar bolate hain sannaate)-2
(raat kaate koyi kidhar tanahaa)-2

(din guzarataa nahin hai logon me.n)-2
(raat hoti nahin basar tanahaa)-2

(hamane daravaaze tak to dekhaa thaa)-2
(phir na jaane gaye kidhar tanahaa)-2

qaafilaa saath aur safar tanahaa
zindagi yuun huyi basar tanahaa