Udaas Shaam Kisi Kaab Mein Dhali To Hai

udaas shaam kisi kaab mein dhali to ha
yahi bahut hai ke taaza hawa chali to hai

jo apani shaak se baahar abhi nahin aayi
nayi bahaar ki zaamin wahi kali to hai

dhuvaan to jhuuth nahin bolata kabhi yaaro
hamaare shahar mein basti koyi jali to hai

kisi ke ishq mein ham jaan se gaye lekin
hamaare naam se rasm-e-wafa chali to hai

hazaar band hon dair-o-haram ke darawaaze
mere liye mere mahabuub ki gali to hai