Maar Gayi Mujhe Teri Judaayi Das Gayi Ye Tanhaayi

maar gayi mujhe teri judaayi das gayi ye tanhaay
teri yaad aayi phir aankhon mein nind nahin aayi
maar gayi mujhe

laaj ka ghuunghat chup ke taale
maine aakir tod hi daale
hoti hai to ho hi jaaye ab duniya mein rusavaayi
maar gayi mujhe

phir na kahin ye gam mil jaayein
aaj hi kyon na ham mil jaayein
kya saathi kya baaraati kya doli kya shahanaayi
maar gayi mujhe

har mushqil aasaan ho jaati
pahale gar ye haan ho jaati
hamane haan karane mein tauba kitani der lagaayi
maar gayi mujhe