Shikaari... Sundarata Ke Sabhi Shikaari

shikaari, shikaar
sundarata ke sabhi shikaari - 2
koyi nahin hai pujaari - 2
sundarata ke sabhi shikaari

mahal-domahalon bich khadi koyi chandrakiran si naari
chhal se bal se
chhal se bal se tan-man-joban luute haay shikaari
sundarata ke sabhi shikaari - 2

baag-bagichon khili kali to aaya wahin shikaari
dekh-dekh ji bhara na usaka chun lin kaliyaan saari
sundarata ke sabhi shikaari - 2

ban-upaban mein sundar hirani daud-daud ke haari
dekh ke kanchan kaaya usaki pichhe pada shikaari
sundarata ke sabhi shikaari - 2