Ek Subah Ek Mod Par

ek subah ek mod par main ne kaha use rok ka
haath badha ae zindagi, aankh milaakar baat kar

roz tere jine ke liye
ek subah mujhe mil jaati hai
murajhaati koyi shaam agar to
raat koyi khil jaati hai
main roz subah tak aata huun
aur roz shuru karata huun safar
haath badha ae zindagi, aankh milaakar baat kar

tere hazaaron cheharon mein
ek chehra hai mujhase milata hai
aankhon ka rang bhi ek sa hai
aavaaz ka ang bhi milata hai
sach puucho to ham do judava hain
tu shaam meri main teri sahar
haath badha ae zindagi, aankh milaakar baat kar