Jaane Kyon Pritam Na Aaye

jaane kyon pritam na aay
pyaar ki dhadakan badhati jaaye

gumasum paayal bichhuva ghaayal
baat nihaare paanv bekal
tadap rahe hain ruk-ruk chal-chal
rom-rom ko nain banaaye
jaane kyon pritam na aaye

gajara chanchal menhadi shital
haath ko tarase haath ye komal
pyaar pukaare aa mil aa mil
aas ka aanchal chhuuta jaaye
jaane kyon pritam na aaye

man mein halachal prit hai nirbal
sochein suuni saansein bojhal
tham gaye jaise har chhin har pal
pyaas milan ki badhati jaaye
jaane kyon pritam na aaye